ಸಹ್ಯಾದ್ರಿಯ ಸೆರಗಿನ ಅಂಚಿನ ಸುಂದರ ತಾಣ

ದಟ್ಟ ಕಾನನದೊಳು ಅಡಗಿದೆ ಗತ ಇತಿಹಾಸದ ಸತ್ಯ
ಗಿಡಮರತೊರೆಗಳ ನಡುವಲ್ಲಿ ಕಲರವವಿದೆ ನಿತ್ಯ
ಹಸಿರುವನರಾಶಿಯ ಬನದಲಿ ಸ೦ಸ್ಕ್ರತಿಯ ಕುರುಹು
ಸಾವಿರ ವರುಷದ ಹಿಂದಿನ ದಿನಗಳ ವೈಭವದ ಮೆರುಗು


ಶಿಲ್ಪಕಲೆಗಳ ಖನಿಯಾಗಿತ್ತು ಈ ದೇಗುಲ ನಗರಿ
ರಾಜ ರಾಜರ ಆಡಳಿತದಲಿ ಮೂಡಿತು ಹೆಮ್ಮೆಯ ಗರಿ
ಉಮಾಮಹೇಶ್ವರನ ಸನ್ನಿಧಿಯಲ್ಲಿ ನಿತ್ಯವು ಸಂತೃಪ್ತಿ
ಹಕ್ಕಿ ಪಕ್ಷಿಗಳ ಉಲಿತದ ನಡುವೆ ಮನಸಿಗೆ ನೆಮ್ಮದಿ


ಸಸ್ಯಕಾಶಿಯ ಹಸಿರನು ಹೊದ್ದಿಹ ಸುಂದರ ಕಾನನವು
ಸಹ್ಯಾದ್ರಿ ಸೆರಗಿನ ಅಂಚಿನ ರಂಗಿನ ಮೋಹಕ ತಾಣವಿದು
ಅಪರೂಪದ ವನ್ಯರಾಶಿಯಿದೆ ದೇವರಕಾಡಿನಲಿ
ತು೦ಬಿದೆ ನೆಮ್ಮದಿ ಇಲ್ಲಿಗೆ ಬರುವ ಜನಮನದಲ್ಲಿ